نوکتە

پیاوێك له‌گه‌ڵ ژنه‌كه‌یدا ده‌مه‌بۆڵه‌ی ئه‌بێت و به‌ عاجزی له ماڵ ئه‌چێته ده‌رێ. كاتی نیوه‌ڕۆ ئه‌یه‌وێت ژنه‌كه‌ی ئاشت بكاته‌وه بۆیه‌ ته‌له‌ٿفۆن ئه‌كات بۆ ماڵه‌وه‌ و ئه‌ڵێت:
" گوڵه‌كه‌م چیت لێناوه بۆ نیوه‌ڕۆ؟"
ژنه‌كه‌شی که‌‌ هێشتا هه‌ر توڕه‌یه، به توڕه‌ییه‌وه ئه‌ڵێت:
" زه‌هری مار."
پیاوه‌كه‌ش ئه‌ڵێ:
".ده‌ باشه گوڵه‌كه‌م تۆ نانی خۆت بخۆ من له بازاڕ نان ئه‌خۆم.".

......................................................................................................................................

ژنێک مه‌ڕێکی کڕیوه‌ و قه‌سابێکیشی بانگ کردووه‌ تا بۆی سه‌رببڕێت بۆ ئه‌وه‌ی بیکات به‌ قوربانی.
به‌ر له‌وه‌ی قه‌سابه‌که‌ مه‌ڕه‌که‌ سه‌ر ببڕێت ژنه‌که‌ ئه‌ڵێ:
"ئه‌م مه‌ڕه‌م خێر بێت بۆ دایک و باوکم له‌ به‌ریتانیا، بۆ خوشکم و خێزانه‌که‌ی له‌ ئه‌ڵمانیا، بۆ خاڵ و خاڵۆژنم له‌ سوید، ..."
کابرای قه‌ساب قسه‌که‌ی پێ ئه‌بڕێت و پێی ئه‌ڵێ:
"ئه‌رێ خوشکم تۆ گۆرانی داواکراو پێشکه‌ش ئه‌که‌یت یان قوربانی ئه‌که‌یت؟"

...................................................................................................................................

له‌ مامۆستایه‌ک ئه‌پرسن:
" مامۆستا ئه‌گه‌ر تۆ کێرت هه‌ڵسێت، ئه‌یخه‌یته‌ لای چه‌پی پانتۆڵه‌که‌ته‌وه‌ یان لای ڕاسته‌وه؟"‌
ئه‌ویش ئه‌ڵێت:
" وه‌ڵا بڵێم چی! خوا ئه‌کات هه‌ڵئه‌ستێت، ئه‌یخه‌مه‌ سه‌ر ته‌پڵی سه‌رم."

................................................................................................................................

مامۆستایه‌کی کۆلێژی ئاداب- به‌شی کوردی، ڕۆژێکیان زۆری په‌له‌ ده‌بێت، تاکسییه‌ک ڕائه‌گرێت و به‌ سایه‌قه‌که‌ ئه‌ڵێت:
"برا گیان، په‌له‌مه‌ زوو بمگه‌ێنه‌ زانکۆ!"
کابرای سایه‌قیش ئه‌ڵێ:
"ئه‌وه‌ی لای جامیعه‌که‌؟"

....................................................................................................................................

ژنومێردێك، چێشتلێنه‌رێکی ئافرەت و سایەقێكى پیاویان ئه‌بێت. ڕۆژێکیان پیاوه‌که‌ به‌ ژنه‌که‌ی ئه‌ڵێت:
"بۆچی خۆت فێرى چێشتلێنان ناكەیت بۆ ئه‌وه‌ی ئه‌و ژنه‌ بەڕێ بكەین و ئه‌و مه‌سره‌فه‌ زیاده‌یه‌مان نه‌مێنێت."
ژنەكەش ئەڵێت:
" ئەى تۆش بۆ هه‌موو شەوێك نایه‌یته‌وه‌ هەتا سایەقەكەش به‌ڕێ بكەین."

.........................................................................................................................................

"دوای دوو ساڵی یه‌که‌م، دوو ساڵیش مه‌نعی ته‌بیعیم کرد که‌چی دوو کچی ترمان بوو."
دوکتۆریش به‌ ناچاری ئه‌ڵێ:
"ئه‌گه‌ر به‌و شێوه‌یه‌ بێت که‌ تۆ باسی ئه‌که‌یت، ته‌نیا چاره‌ ئه‌وه‌یه‌ که‌ هه‌ر نه‌چیت به‌لایدا."

کابرا ئه‌ڵێ:
"قوربان ئه‌وه‌شم کردووه‌، ئه‌م دوو ساڵه‌ی دوایی په‌نجه‌شم به‌ر په‌نجه‌ی نه‌که‌وتووه‌، که‌چی دوو کوڕیشمان بوو."

.......................................................................................................................................

کوڕێکی گێلی ئیزعاج ده‌وروخولی کچێکی داوه‌ و هه‌موو ڕۆژێک پێی ئه‌ڵێ:
"خه‌ڵک ئه‌نێرمه‌ داوات."
کچه‌که‌ش بۆ ئه‌وه‌ی ڕزگاری بێت له‌ ده‌ستی ڕۆژێک پێی ئه‌ڵێ:
"من خۆم لاریم نییه‌ له‌وه‌ی که‌ بنێریته‌ داوام، به‌ڵام به‌ خوا من ئه‌زانم که‌ ماڵه‌وه‌مان ڕازی نابن و به‌ خزمی خۆم نه‌بێت به‌ که‌سم ناده‌ن."
کوڕه‌که‌ ئه‌ڵێ:
"باشه‌ تۆ چوزانیت؟"
کچه‌که‌ش ئه‌ڵێ:
"به‌وه‌دا ئه‌زانم که‌ نه‌نکمیان داوه‌ به‌ باپیرم، دایکم به‌ باوکم، ئامۆژنم به‌ مام و خاڵۆژنیشم به‌ خاڵم."

........................................................................................................................................